सावखेडा, धावडे येथे वाळू वाहतुकीचे रस्ते तलाठी यांनी केले बंद
मुंगसे ता अमळनेर दि२६ (वार्ताहर ) > येथून जवळच असलेल्या सावखेडा व धावडे, ता. अमळनेर येथील तापी नदीपात्रालगतचे अवैध चोरट्या वाळू वाहतुकीचे रस्ते जेसीबीच्या सहाय्याने खोदून बंद करण्यात आले आहेत . सविस्तर वृत असे की मागील काही दिवसांमध्ये सलग अवैध गौण खनिज वाहनांवर तलाठी सावखेडा तसेच पथकामार्फत कारवाई करण्यात आल्याने. यामुळे वाळू वाहतुकीला आळा बसणार असल्याने ग्रामस्थांनी समाधान व्यक्त केले आहे.
– सावखेडा येथील
तलाठी सतीश शिंदे, पोलीस पाटील महेश पाटील नागरिक किशोर माळे . धावडे .यांच्या उपस्थितीत जेसीबी यंत्रणेच्या साहाय्याने चोर रस्त्यांमध्ये चाऱ्या खोदून बंद करण्यात आले आहेत .
तसेच अवैध गौण खनिज वाहतूक करणाऱ्या वाहनांवर कारवाई होत असल्यामुळे वाळू वाहतूक करणाऱ्यांना चांगलीच चपराक बसली असून सावखेडा व धावडे या दोन्ही गावांमध्ये अवैध गौण खनिज वाहतुकीवर नियंत्रण ठेवण्यासाठी प्रांताधिकारी महादेव खेडकर व तहसीलदार रूपेशकुमार सुराणा यांच्या मार्गदर्शनाखाली केलेल्या महसूलच्या या उपाययोजनेबाबत समाधान व्यक्त केले जात आहे. या कामाचे परिसरातून स्वागत होत आहे.