कै.धनगर अर्जून पाटील यांच्या वारशाची ऐतिहासिक परंपरा: दिपक पाटील युवा नेतृत्व शिक्षण क्षेत्रात
अमळनेर प्रतिनिधी
कै. धनगर अर्जून पाटील, अमळनेर कृषी उत्पन्न बाजार समितीचे पहिले चेअरमन, जिल्हा मध्यवर्ती बँक संचालक आणि जळगाव जिल्हा दुध डेअरी संचालक यांसारख्या अद्वितीय व्यक्तिमत्त्वांची परंपरा पुढे आणण्यासाठी त्यांचे नातू दिपक पाटील सक्रिय झाले आहेत. वाघोदे येथील महाराष्ट्र राज्य स्टुडंट्स असोसिएशनच्या जिल्हा अध्यक्षपदाची जबाबदारी घेऊन, दिपक पाटील विद्यार्थ्यांच्या कल्याणासाठी कटीबद्ध आहेत.
कै.अर्जून पाटील यांचा त्याग आणि गोरगरीब जनतेसाठी कार्य करण्याचा विचार दिपक यांच्यात जीवंत आहे. ते म्हणतात, “मी विद्यार्थ्यांसाठी शिक्षणाच्या क्षेत्रात अनेक उपक्रम राबवणार आहे. शिष्यवृत्त्या, प्रवेश प्रक्रियेत मार्गदर्शन, आणि आर्थिक मदतीसाठी मी सदैव तत्पर राहणार.”
यामुळे, त्यांच्या नेतृत्वाखाली विविध शैक्षणिक समस्यांवर प्रभावी उपाययोजना करण्यात येत आहेत, ज्यामुळे तालुक्यातील अनेक विद्यार्थ्यांचे प्रश्न देखील सुटले आहेत. आजचा युवा वर्ग त्यांच्या कर्तृत्वामुळे शिक्षण क्षेत्रात सकारात्मक बदल घडविणारा म्हणून दिपक पाटील यांना ओळखतो.