पारोळा केंद्राची शिक्षण परिषद उत्साहात संपन्न
राज्य शिक्षक मनवंतराव साळुंखे यांच्याकडुन ५८ विद्यार्थ्यांना शालेय उपयोगी साहित्यासह खाऊ वाटप ।
दि २९ , विचखेडे ता पारोळा
आज पारोळा केंद्राची शिक्षण परिषद उच्च प्राथ शाळा विचखेडे ता पारोळा या ठिकाणी उत्साह व गुणवत्तापुर्ण वातावरणात संपन्न झाली . या परिषदेच्या अध्यक्षपदी केंद्र प्रमुख प्रदिप राजपुत उपस्थित होते . या परिषदेला केंद्रातील सर्व मुख्याध्यापक व शिक्षक बंधु बघिनी सहभागी झाले होते .
अगोदर शाळेच्या इ १ ली ते इ ८ वीच्या विद्यार्थ्यांनी अतिशय छान , सुंदर गुणवत्तेचे व संस्कृतीचे प्रदर्शन करणारे उपक्रम सादर करून उपस्थितांची मने जिंकली .
यात सहभागी ५८ गुणवंत विदयार्थ्यांना शाळा क्र ३ पारोळाचे मुख्याध्यापक मनवंतराव साळुंखे यांनी शालेय उपयोग वस्तु भेट व खाऊ म्हणुन कॅटबरी व राजगिरा लाडु वाटप केले . विद्यार्थ्यांना खुप आनंद झाला . शाळा क्र २ पारोळा कडुन २०१ रु , शेवगे मुख्याध्यापक राजेंद्र पाटील यांनी १०१ रु , बोदर्डे मुख्याध्यापिका सुषमा पाटील १०१ रु , रत्ना राजपूत शेवगे १०१ रु रोख पारितोषिक दिले .
पदविधर शिक्षक चतुर पवार यांनी परिषदेचे उद्दिष्ट व प्रास्ताविक सादर केले . मुस्तुफा अरब यांनी सुंदर व विविध माहिती देत सुत्रसंचलन केले . सी डब्लु एस एन बाबत शितल पाटील यांनी माहिती दिली . आय सी टी वापर सायबर सुरक्षा बाबत शुभांगी लोहार यांनी मार्गदर्शन केले . केंद्रप्रमुख प्रदिप राजपुत यांनी प्रशासकीय आढावा घेत प्रत्येक शाळेने बालरक्षक नेमुन एका तरी शिक्षकाने याची काळजीपूर्वक जबाबदारी पार पाडावी . दाखलपात्र विद्यार्थी शोधुन त्यांना शाळेत दाखल करण्याबाबत दक्षता घेण्याचे आवाहन केले . शेवटी सुनिल बडगुजर यांनी आभार प्रदर्शन केले .
