शारदा विद्यालयात होणार राजेंद्र दोधूलाल चौधरी सरांचा सेवानिवृत्ती सोहळा “कलेच्या साधनेतून समाजशीलतेकडे प्रवास — उद्या राजेंद्र चौधरी सरांच्या कार्याला सन्मानाचा मुजरा”

शारदा विद्यालयात होणार राजेंद्र दोधूलाल चौधरी सरांचा सेवानिवृत्ती सोहळा

“कलेच्या साधनेतून समाजशीलतेकडे प्रवास — उद्या राजेंद्र चौधरी सरांच्या कार्याला सन्मानाचा मुजरा”

अमळनेर (प्रतिनिधी – ईश्वर महाजन) :
कळमसरे गावाच्या शैक्षणिक व सांस्कृतिक वैभवात आपले मोलाचे योगदान देणारे शारदा माध्यमिक विद्यालयाचे ज्येष्ठ कलाशिक्षक श्री. राजू दोधूलाल चौधरी यांचा सेवापूर्ती व सत्कार समारंभ उद्या, २० जुलै २०२५ रोजी शाळेच्या प्रांगणात भावनिक वातावरणात संपन्न होणार आहे.
या कार्यक्रमाचे अध्यक्ष म्हणून आदरणीय श्री. महेंद्रलालजी मिश्रीलालजी कोठारी (चेअरमन – कळमसरे विद्या प्रसारक संस्था) हे उपस्थित राहणार आहेत, तर सत्काराचे औपचारिक सोपान गटशिक्षणाधिकारी दादासाहेब श्री. रावसाहेब मांगो पाटील यांच्या शुभहस्ते पार पडणार आहे.

*कला शिक्षणात त्यांनी जपलेले सातत्य…*

राजेंद्र चौधरी सरांनी आपल्या ३९ वर्षांच्या शिक्षक सेवेत चित्रकलेच्या माध्यमातून विद्यार्थ्यांमध्ये सर्जनशीलता, सौंदर्यदृष्टी आणि मूल्यशिक्षण रुजवण्याचे कार्य केले. त्यांच्या मार्गदर्शनात शेकडो विद्यार्थ्यांनी जिल्हा, राज्य आणि राष्ट्रीय स्तरावर चमकदार कामगिरी केली आहे.

*पतपेढीतील जबाबदारी लीलया पार पाडली…*

राजेंद्र चौधरी सर केवळ शाळेपुरते मर्यादित न राहता,

मंगलमूर्ती पतपेढी मध्ये संचालक, त्याच्यानंतर संताजी पतपेढीमध्ये संस्थापक संचालक म्हणून कार्य केले..पुढे

माध्यमिक शिक्षक सहकारी पतपेढी, जळगाव येथे संचालक म्हणून कार्यरत होते. अध्यक्ष दादासाहेब भिरुड सर आणि इतर पदाधिकाऱ्यांच्या मार्गदर्शनाखाली त्यांनी संस्थेच्या प्रगतीसाठी सामाजिक आणि आर्थिक पातळीवर भरीव योगदान दिले. त्यामुळे “शैक्षणिक आणि सामाजिक बांधिलकी जपणारे व्यक्तिमत्त्व” म्हणून त्यांच्याकडे पाहिले जाते.

👏 मान्यवरांच्या उपस्थितीत होणार सन्मान

या विशेष कार्यक्रमास आप्पासाहेब यादव किसन चौधरी (उपाध्यक्ष), दादासाहेब एस.डी. भिरुड (अध्यक्ष – शिक्षक पतपेढी), आप्पासाहेब संभाजी पाटील (माजी अध्यक्ष), प्रकाशभाई शहा (उद्योजक, अमळनेर), भाऊसाहेब आर.एच. बाविस्कर (जिल्हाध्यक्ष), अ‍ॅड. रघुनाथ महाले (निवृत्त पी.आय., अ‍ॅडव्होकेट – मुंबई हायकोर्ट), एन.ओ. चौधरी (अध्यक्ष – कलाध्यापक संघ), अरुण सपकाळे (सचिव – कलाध्यापक संघ) तसेच संस्था पदाधिकारी,प्रशासन अधिकारी भाऊसाहेब जी.टी.टाक, शिक्षकवृंद, ग्रामस्थ व माजी विद्यार्थी मोठ्या संख्येने सहभागी होणार आहेत.

*सन्मानाचे क्षण, सांस्कृतिक गारवा*

कार्यक्रमात श्री. आर.डी.चौधरी सर व त्यांच्या पत्नी ताईसौ सौ. रत्नप्रभा चौधरी यांचा शाल, श्रीफळ व सन्मानचिन्ह देऊन गौरव करण्यात येईल. विद्यार्थ्यांचे स्वागत गीत, काव्यसादरीकरण, सहकाऱ्यांचे मनोगत आणि विविध सांस्कृतिक सादरीकरण यांद्वारे हा क्षण अविस्मरणीय ठरणार आहे.

*सामूहिक भोजनाचा मनोहर प्रसंग*

कार्यक्रमानंतर दुपारी १२ ते ३ या वेळेत सर्व उपस्थितांसाठी भोजनाचे आयोजन करण्यात आले आहे.

“शिक्षक म्हणून सेवा संपते, पण समाजासाठी योगदान देण्याची सुरुवात तिथूनच होते…”
अशा आशयाने उद्याचा सोहळा चौधरी सरांच्या कार्याचा कृतज्ञता सन्मान ठरणार आहे.

✍️ बातमी सादर करत आहे:
ईश्वर रामदास महाजन, मुख्यसंपादक – मराठी लाईव्ह न्यूज, अमळनेर
📞 9860353960 | 9766939950
🌐 मराठी लाईव्ह न्यूज — आपल्या विश्वासाची बातमी