रोटरी इंटरॅक्ट क्लबद्वारे ए. टी. झांबरे माध्यमिक विद्यालयात व्यायाम विषयक व्याख्यानाचे आयोजन

जळगांव प्रतिनिधी

ए. टी. झांबरे माध्यमिक विद्यालय, जळगाव येथे रोटरी इंटरॅक्ट क्लबच्या वतीने दिनांक १० जुलै २०२५ रोजी “व्यायामाचे महत्त्व” या विषयावर एक प्रेरणादायी व्याख्यान आयोजित करण्यात आले. या कार्यक्रमासाठी अध्यक्ष म्हणून शाळेच्या मुख्याध्यापिका श्रीमती प्रणीता झांबरे तर प्रमुख वक्ते म्हणून डॉ. रवी हिरानी उपस्थित होते.

डॉ. हिरानी यांनी विद्यार्थ्यांशी संवाद साधताना व्यायामाचे शारीरिक, मानसिक व बौद्धिक फायदे समजावून सांगितले. ताणतणाव मुक्त जीवन, चांगले आरोग्य आणि अध्ययनातील एकाग्रतेसाठी व्यायामाचे योगदान त्यांनी प्रभावी उदाहरणांद्वारे स्पष्ट केले. त्यांनी विद्यार्थ्यांना दैनंदिन जीवनात साधे पण नियमित व्यायाम करण्याचे आवाहनही केले.

कार्यक्रमाचे समन्वयक श्री. महेंद्र मिरकुटे यांनी या उपक्रमाचे नियोजन केले. त्यांनी विद्यार्थ्यांमध्ये आरोग्यप्रद सवयी निर्माण व्हाव्यात या हेतूने अशा उपक्रमांचे सातत्याने आयोजन होईल असे सांगितले. शाळेचे मुख्याध्यापक, शिक्षकवर्ग आणि विद्यार्थी यांनी कार्यक्रमाला उत्स्फूर्त प्रतिसाद दिला.

कार्यक्रमाच्या शेवटी डॉ. हिरानी यांचा सत्कार करण्यात आला. उपस्थितांनी त्यांच्या मार्गदर्शनाचे कौतुक करत व्यायामाचा अंगीकार करण्याचा संकल्प केला.