गुरुपौर्णिमेला भक्तीमय उत्सवाचे स्वरूप; अमळनेरमध्ये गजानन भक्तांचा महासागर!
अमळनेर प्रतिनिधी(ईश्वर महाजन)– दादासाहेब जी.एम. सोनार नगर येथील संत गजानन महाराज मंदिरात गुरुपौर्णिमा निमित्त विविध भक्तिमय कार्यक्रमांचे भव्य आयोजन करण्यात आले. श्रद्धा, भक्ती आणि उत्साह यांचा अनोखा संगम यावेळी पाहायला मिळाला.
सकाळी कार्यक्रमाची सुरुवात सामूहिक २१ व्या अध्यायाच्या पारायणाने झाली. हे वाचन महिला वारी प्रमुख ज्योतीताई पवार यांनी भक्तिभावाने पार पाडले. यावेळी गजानन परिवारातील महिला भगिनी मोठ्या संख्येने उपस्थित होत्या, आणि मंदिर परिसर भक्तिरसाने भरून गेला.
विशेष आकर्षण ठरली ती मारवड येथील आलेली पायी दिंडी, जी अमळनेरच्या संत गजानन महाराज मंदिरात दाखल झाली. तब्बल ३०० गजानन भक्त या दिंडीत सहभागी झाले होते. या दिंडीचे भक्तिभावाने स्वागत करण्यात आले.
गजानन सेवा संस्थानचे अध्यक्ष प्रा. आर.बी. पवार, महिला वारी प्रमुख ज्योतीताई पवार तसेच विश्वस्त मंडळ यांच्या हस्ते गजानन परिवारासाठी योगदान देणाऱ्या बंधू-भगिनींचा सन्मान करण्यात आला.
कार्यक्रमानंतर महाप्रसादाचे आयोजन करण्यात आले होते. अनेक भक्तांनी महाप्रसादाचा लाभ घेत, गुरुपौर्णिमेचे औचित्य साजरे केले. मंदिरात यात्रेचे स्वरूप निर्माण झाले होते, जिथे अनेकांनी आपल्या ज्येष्ठांचा आशीर्वाद घेतला.
या भक्तिमय सोहळ्यात अशोक भावे, नितीन भावे महाराज,चेतन उपासनी,संजय साळुंखे,अविनाश सोनार,
पुजारी रघुनाथ पाटील,मोहीत पवार,
विजय येवले, सनी पाटील, गोलू पाटील,
मारवड दिंडी प्रमुख जनार्दन पाटील रवी पाटील तसेच संत गजानन महाराज मंदिरातील असंख्य महिला, बंधू-भगिनी उपस्थित होते.
अशा प्रकारे गुरुपौर्णिमा उत्साहात, भक्तिभावाने आणि सामूहिक सहभागाने साजरी करण्यात आली, ज्याने संपूर्ण परिसरात आध्यात्मिक उर्जा आणि एकतेचा संदेश दिला. मारवाड माध्यमिक उच्च माध्यमिक विद्यालयाचे सेवानिवृत्त मुख्याध्यापक सूत्रसंचालन एल जे चौधरी सर यांनी केले
